සරසවි සිසු ගැටලූ මර්දනයෙන් යටපත් කරලීමේ ආණ්ඩුවේ උත්සාහය හෙළාදකිමු! - ජවිපෙ
එම නිවේදනය වැඩිදුරටත් මෙසේය.
‘‘අද වනවිට රජරට සරසවියේ වෛද්‍ය පීඨය වසා දමා ඇති අතර ජයවර්ධනපුර සරසවියේ වෛද්‍ය පීඨය හරෙන්නට සෙසු පීඨ වසා දමා තිබේ. රජරට වෛද්‍ය සිසුන්ට තම අධ්‍යාපන කටයුතු සඳහා අවශ්‍ය මහාචාර්ය ඒකකය ඇතුළු අත්‍යාවශ්‍ය යටිතල පහසුකම් ස්ථාපිත කරළීමට ආණ්ඩුව අසමත් වී තිබේ. ඒ හේතුවෙන් එම සිසුන්ගේ අධ්‍යාපනය කඩාකප්පල් වී ඇති අතර ඊට විසඳුම් දීමට ආණ්ඩුවට වුවමනාවක් හෝ හැකියාවක් ඇති බවක් නොපෙනේ. ජයවර්ධනපුර සරසවියේ විරු සිසු ස්මාරකයට බෝම්බ ප‍්‍රහාරයක් එල්ල වූ බවට වාර්තා වූ අතර ඊට වගකිව යුත්තන්ට එරෙහිව නීතිය කි‍්‍රයාත්මක කිරීමට ආණ්ඩුව අසමත් වී ඇත. සරසවි පාලනයට දේශපාලන ව්‍යාපෘති කි‍්‍රයාත්මක කරන පරිපාලකයින් පාවිච්චි කරමින් ආණ්ඩුව විශ්වවිද්‍යාල තවතවත් අර්බදයට ඇද දමමින් සිටී.
එවන් තත්වයක් තුළ තම ගැටලූවලට විසඳුම් ඉල්ලා හඩ නගන සරසවි සිසුන් අධ්‍යාපනයෙන් පිටමන් කිරීමටත් ඔවුන්ගේ සාමකාමී උද්ඝෝෂණ මර්දනයෙන් යටපත් කිරීමටත් ආණ්ඩුව උත්සාහ දරන බව පෙනේ. මෙය සරසවි තුළ අර්බුදකාරී තත්වයක් හිතාමතාම නඩත්තු කරළීමේ සැලැස්මක්දැයි සැක පහළ වන තත්වයකි. උසස් අධ්‍යාපනය පෞද්ගලීකරණය කිරීමේ පනත් නීතිගත කිරීමට ආණ්ඩුව කැස කවන්නේ මෙවැනි පරිසරයක් තුළය. රජයේ විශ්වවිද්‍යාල පද්ධතිය බිඳ දැමීම මගින් ආණ්ඩුව පෞද්ගලික උසස් අධ්‍යාපන අවස්ථා දිරි ගැන්වීමට ද කටයුතු කරමින් සිටී. ලංකාව දැනුමේ කේන්ද්‍රස්ථානය කරන බව ප‍්‍රකාශ කරමින් අධ්‍යාපනයේ පෞද්ගලික ආයෝජන අවස්ථා පුළුල් කරන අතර පවතින සරසවි මර්දනයේ කේන්ද්‍රය බවට පත්කිරීමට ආණ්ඩුව කටයුතු කරමින් සිටී.
සිසු ගැටලූ විසඳීමට කටයුතු කරනු වෙනුවට ඒවා තව තවත් උග‍්‍රකරවීමටත් ශිෂ්‍ය මර්දනය තුළින් ගැටලූ යටපත් කිරීමටත් ගන්නා ආණ්ඩුවේ උත්සාහය දැඩිව හෙළා දකින අපි ආණ්ඩුවේ කූට ප‍්‍රයත්නයන් පරාජය කරලීම සඳහා පෙරට එන ලෙස සමස්ත ශී‍්‍ර ලාංකීය ජනතාවගෙන් ඉල්ලා සිටිමු.’’
0 comments for "සරසවි සිසු ගැටලූ මර්දනයෙන් යටපත් කරලීමේ ආණ්ඩුවේ උත්සාහය හෙළාදකිමු! - ජවිපෙ"