රිකී ටෙස්ට් ලකුණු 13000 පසුකරයි

ඕස්ටේ‍්‍රලියාව සහ ඉන්දියාව අතර ඇඩිලේඞ් ක‍්‍රීඩාංගනයේ පැවැත්වෙන සිවුවැනි ටෙස්ට් කි‍්‍රකට් තරගයේ දෙවැනි දිනය වූ ඊයේ (25) ඕස්ටේ‍්‍රලියාවේ හිටපු නායක රිකී පොන්ටිං ලකුණු 221 ක් ලබා සිය ටෙස්ට් දිවියේ 41 වැනි ශතකය වාර්තා කළේය. පොන්ටින් ලකුණු 81 ක් ලබා ගැනීමත් සමග සිය ටෙස්ට් තරග දිවියේ ලකුණු 13000 වාර්තා කිරීමට ද සමත්විය.  ඕස්ටේ‍්‍රලියා පිතිකරුවකු ලබා ඇති වැඩිම ලකුණු සංඛ්‍යාව ද මෙය වේ.

ලකුණු 13140 ක් ලබා සිටින පොන්ටින් ටෙස්ට් ක‍්‍රිකට් තරගවල වැඩිම ලකුණු ලබාගත් පිතිකරුවන් අතරේ තෙවැනි ස්ථානයේ පසුවෙයි. ඉන්දීය සුපිරි පිතිකරු සචින් තෙන්ඩුල්කාර් ලකුණු 15444 ක් ලබා ටෙස්ට් පිතිකරුවන් අතර පළමු ස්ථානයේ සිටියි. රාහුල් ඩ‍්‍රාවිඞ් ලකුණු 13263 ක් ලබා එහි දෙවැනි ස්ථානයේ පසුවෙයි.