රුපියල් 100කින් දසලක්ෂපතියකු වෙන්න - එයාර්ටෙල්

ආසියාවේ සහ අප්‍රිකාවේ රටවල් 20ක සිය මෙහෙයුම් සිදුකරන ප්‍රමුඛ ජාත්‍යන්තර විදුලි සංදේශ සමාගමක් වන භාරතී එයාර්ටෙල් සිය ශ්‍රී ලංකා සේවාලාභීන් සඳහා “රුපියල් 100කින් දසලක්ෂපති මිතුරෙක් වන්න” නම් වූ ආකර්ෂණීය තිළිණ ප්‍රදාන ව්‍යාපෘතීය දියත් කොට ඇත. මේ යටතේ පෙර හා පසු ගෙවුම් එයාර්ටෙල් සේවාලාභීන් සිදුකරන සෑම රුපියල් 100ට වැඩි රීලෝඩ් හෝ බිල්පත් ගෙවීමකදී රුපියල් මිලියන බැගින් දිනාගත හැකි ජයග්‍රාහකයින් 5 දෙනෙක් බිහිකරන දිනුම් ඇදීමකට සුදුසුකම් හිමි වේ. රුපියල් 100 ගුණාකාරයෙන් වැඩිවූ තරමට දිනුම් අවස්ථාද ඉහළ යනු ඇත. අද දින සිට 2012 මාර්තු 07 වැනි දින තෙක් දෙසතියකට වරක් දිනුම් ඇදීම් පහක් පැවැත්වෙන අතර එහිදී අහඹු ලෙස තෝරා ගනු ලබන එයාර්ටෙල් සේවාලාභියෙකු හට ක්ෂණිකව රුපියල් මිලියනයක් දිනා ගැනීමේ අවස්ථාව හිමිවේ.

“එයාර්ටෙල්හි අප අඛණ්ඩවම අපගේ සේවාලාභීන් වෙත ආකර්ෂණීය ප්‍රතිලාභ ලබාදීමට කටයුතු කරනවා. මේ අනුව ඔවුන් හට ජීවිතයේ එක්වරක් පමණක් හිමිවන එයාර්ටෙල් බිල්පතක් ගෙවීමෙන් හෝ රීලෝඩ් කිරීමෙන් මිලියනයක් දිනා ගැනීමේ අවස්ථාව අප උදා කොට තිබෙනවා. ඉදිරියේදී අපගේ ශ්‍රී ලංකා සේවාලාභීන් වෙත තවත් බොහෝ ප්‍රතිලාභ සැලසුම් හඳුන්වා දී මට අප අපේක්ෂා කරනවා. යනුවෙන් භාරතී එයාර්ටෙල් ශ්‍රී ලංකාහි විකුණුම් සහ අලෙවි ප්‍රධානි  ෂරන් ෂෙට්ටි පැවැසීය.

දිනුම් ඇදීමේදී සෑම ජයග්‍රාහකයෙකු  වෙතම හඬ සහ SMS ඔස්සේ දන්වනු අතර අදාළ ලියකියවිලි ඉදිරිපත් කිරීමෙන් පසු සම්පූර්ණ මුදල පිරිනැමෙනු ඇත.

Posted by Ravaya on 2:36 AM. Filed under Business . You can follow any responses to this entry through the RSS 2.0. You can leave a response or trackback to this entry