ශ‍්‍රී ලංකා ක‍්‍රිකට් තේරීම් කමිටුවේ නව සභාපති අසන්ත ද මෙල් - ක‍්‍රීඩා ඇමති

ශ‍්‍රී ලංකා ටෙස්ට් ක‍්‍රිකට් කණ්ඩායමේ හිටපු වේගපන්දු යවන්නෙකු වන අසන්ත ද මෙල් ශ‍්‍රී ලංකා ක‍්‍රිකට් තේරීම් කමිටුවේ නව සභාපතිවරයා වශයෙන් ජනවාරි 20 වනදින සිට ලබන දෙසැම්බර් 31 වනදින දක්වා බලපවත්වන පරිදි පත්කිරීමට ක‍්‍රීඩා අමාත්‍ය මහින්දානන්ද අලූත්ගමගේ මහතා ක‍්‍රීඩා අමාත්‍යාංශයට අනුමැතිය දී ඇත.

1973 අංක 25 දරණ ක‍්‍රීඩා පනතේ 17 වැනි වගන්තියේ රෙගුලාසිවලට අනුව ක‍්‍රීඩා අමාත්‍යවරයාට පැවරී ඇති බලතල යොදාගනිමින් මෙම පත්වීම සිදුකර ඇති අතර ක‍්‍රිකට් තේරීම් කමිටුවේ සභාපතිවරයාට අමතරව අමල් සිල්වා, දොන් අරුණසිරි, හේමන්ත වික‍්‍රමරත්න යන අයද තේරීම් කමිටුවේ සෙසු සාමාජිකයන් ලෙස පත්කිරීමට ක‍්‍රීඩා ඇමතිවරයා කටයුතු කර තිබේ.

Posted by Ravaya on 4:55 AM. Filed under Sports . You can follow any responses to this entry through the RSS 2.0. You can leave a response or trackback to this entry