සිවිල් පාලනයට පිටින් උතුරේ වෙනත් පාලනයක් - වාසු
උතුරේ ක‍්‍රමවත් සිවිල් පාලනයක් නොපැවතීම පිළිබඳවත්, සිවිල් පාලනතන්ත‍්‍රයට ඉහළින් හා නීතියට පිටින් වෙනත් පාලනයක් ක‍්‍රියාත්මකවීම පිළිබඳවත් උතුරේ ජනතාවගේ හිත් තුළ බියක් ඇතිවී ඇතැ‘යි රාජ්‍ය භාෂා හා සමාජ ඒකාබද්ධතා අමාත්‍ය වාසුදේව නානායක්කාර ප‍්‍රකාශ කරයි.
ඔහු මේ බව පැවසුවේ රාජ්‍ය භාෂා හා සමාජ ඒකාබද්ධතා අමාත්‍යාංශය උතුරේ කරන ලද දෙදින විශේෂ වැඩසටහන පිළිබඳව කළ විමසුමකදීය.සිවිල් බලය පිළිබඳව විශ්වාස කළ හැකි අයුරින් එය ගොඩනැගී නොමැති බවත්, ප‍්‍රදේශයේ පාලනය අවසානයේදී සිවිල් නිලධාරීන් සතුව පවතින බව ජනතාව විශ්වාස නොකරන බවත් ඇමතිවරයා පැවසීය. මීට අමතරව සිදු කැරෙන අතුරුදන්වීම් හා පුද්ගල බිය වැද්දීම් පිළිබඳව ජනතාවගේ සිතෙහි ඇත්තේ බියජනක හැඟීමක් බවත්, ජනතාව කළ යුත්තේ කුමක්ද යන්න ඔවුනට පැහැදිලි නැති බවත් අමාත්‍යවාරයා පැවසීය.
- රාවය
0 comments for "සිවිල් පාලනයට පිටින් උතුරේ වෙනත් පාලනයක් - වාසු"